Қазақстан Республикасының Ұлттық кітапханасында әдебиет саласындағы жасанды интеллект тақырыбында ғылыми конференция өтті деп хабарлайды Qazyr.kz
Іс-шара қазіргі кезеңнің өзекті мәселелерінің бірі – жасанды интеллектің әдебиет пен мәдениет салаларына ықпалын ғылыми тұрғыдан талдауға бағытталды.
Іс-шара барысында әдебиеттанушылар, қаламгерлер, зерттеушілер мен сала мамандары баяндама жасап, ашық пікір алаңы ұйымдастырылды. Олар жасанды интеллектің мүмкіндіктері мен сын-қатерлерін, сондай-ақ шығармашылық еркіндік пен этикалық жауапкершілік мәселелерін сөз етті.
Конференцияға Қазақстан Жазушылар одағының мүшелері, М. Әуезов атындағы Әдебиет және өнер институтының ғалымдары, Ұлттық мемлекеттік кітап палатасы мен әл-Фараби атындағы Қазақ ұлттық университетінің филология факультетінің оқытушылары және жас зерттеушілері қатысты.
