Астанадағы Қазақстан президентінің орталығында 23-27 сәуір күндері «Astana Eurasian Book Fair – 2025″ VIII халықаралық кітап көрме-жәрмеңкесі өтеді деп хабарлайды Qazyr.kz
Бұл Орталық Азиядағы ең ауқымды мәдени-ағартушылық шаралардың бірі.
Astana Eurasian Book Fair – 2025» көрмесіне Қазақстан, Ресей, Түркия, Испания, Иран, Өзбекстан, Португалия және Қытай елдерінен 70-ке жуық баспа, кітап сату, танымдық-ғылыми білім беру және полиграфиялық компания қатысады.
Көрменің басты мақсаты – кітап оқуды дәріптеу, оқу мәдениетін қалыптастыру, кітап нарығындағы жаңа өнімдерді көрсету, баспа саласындағы заманауи технологияларды таныстыру және халықаралық әріптестікті дамыту болып отыр.
