Еуропалық иммундау апталығы (ЕИА) – иммундауды насихаттаудың тиімді механизмі. ЕИА-ның мақсаты – иммундауға назар аудару және халықтың иммундаудың маңыздылығы туралы хабардарлығын арттыру. 20-шы ғасырдың екінші жартысындағы вакцинациялау науқандары адамзаттың ең үлкен жетістіктерінің бірі болып табылады, бұл бізге шешек ауруын жоюға, полиомиелитті жеңуге мүмкіндік берді. Биыл Еуропалық иммундау апталығы 27 сәуір мен 3 мамыр аралығында өтеді. Бұл туралы ҚР ДСМ Санитариялық-эпидемиологиялық бақылау комитетінің Вакцинамен басқарылатын инфекцияларды бақылау басқармасының басшысы Нұршай Әзімбаева ОКҚ алаңында өткен дөңгелек үстел барысында хабарлады.
«Барлығына иммундауға қол жеткізу – біздің қолымызда» ұранымен өткізілетін Еуропалық иммундау апталығының негізгі тақырыбы қазір және болашақта аурудың өршуіне жол бермеу үшін халықты вакцинациямен қамтудың жоғары көрсеткіштеріне қол жеткізу қажеттілігі болмақ. Биыл Еуропалық иммундау аптасы жастар мен жастар ұйымдары арасында иммундау бойынша түсіндіру жұмыстарын ілгерілету үшін студенттер мен жас мамандарды тарту ұсынылды», – деді спикер.
Сондай-ақ республикалық деңгейде Алматыда 10-11 сәуірде медицина қызметкерлері үшін халықаралық деңгейдегі сарапшылардың қатысуымен ғылыми конференция өткізілді, сондай-ақ студенттер арасында АПВ-ға қарсы вакциналау мәселелерін талқылау бойынша пікірталас ұйымдастырылды.
Жалпы, елде жоспарлы иммундау бағдарламасы қарқынды жетілдіріліп жатыр. 2024 жылы Ұлттық егу күнтізбесіне жатыр мойны обырының және қатерлі ісіктің басқа да түрлерінің қоздырғышы болып табылатын адам папилломасы вирусына қарсы вакциналау енгізілген. Қазақстанда жатыр мойны обыры барлық жастағы әйелдер арасында сүт безі обырынан кейінгі екінші орында және фертильді (25-44) жастағы әйелдердің сүт безі обырынан кейінгі өлімінің екінші себебі болып табылады.
«Жыл сайын жатыр мойны обырының 1900-ге жуық жаңа жағдайы тіркеледі, жылына 600-ден астам әйел осы патологиядан қайтыс болады. Сондықтан АПВ-ға қарсы вакцинацияны енгізу еліміздің болашақ ұрпағының денсаулығын қорғаудағы маңызды қадам болып табылады», – деді ДСМ өкілі.
