Жарақатына байланысты үздік боксшылардың бірімен жекпе-жегі өтпей қалған Жанқош Тұраров басынан өтіп жатқан дау-дамай мен спорттық мансабына қатысты желіде жазба жариялады, деп Qazyr.kz.
Жанқош Тұраров халыққа алғыс айтты.
«Сіздердің баталарыңыз бен қолдауларыңыздың арқасында көз алдарыңызда өсіп-өніп келе жатырмын, халқым. Қандай жағдайлар болып жатса да, ыстық ықыластарыңызды білдіріп, дәлелсіз қаңқу сөздерге сынып кетпеуіме себепшісіздер. Аққа — Құдай жақ! Аяқтан шалуды көздеген қара ниеттілерді Алла кешірсін! Әр сынақтың артында бір хайыр бар, ер жігіттің басына не келіп, не кетпес. Әлі талай жеңістерді бірге тойлауға жазсын», – деді боксшы.