18-19 қазанда Қазақстан астанасында «CONNECTED-2024: Келешек бейнесін пайымдау» халықаралық конференциясы өтеді.Бұл туралы Qazyr.kz хабарлайды.
Конференцияға 20-дан астам елден 1500 өкіл қатысады деп күтілуде.Конференцияның миссиясы келешектің бейнесін әлемдік көзқарас пен құндылықтарға бағыттау арқылы пайымдауды мақсат етеді. Бүгінгі қоғамға адам құндылығы, инновациялар мен келер ұрпақтың білімі мәселелерін ұғыну өте өзекті.
«Құндылық – бұл өткен шақ емес, қазіргі уақыт пен келешек. Құндылықтар бөлмейді, керісінше біріктіреді және ұйымшылдыққа жетелейді. Әлемге көзқарастарымызды өзгерте отырып, білім мен инновациялар арқылы біз бірге жұмыс атқаруға бірігеміз, сол арқылы келешекті өзгертеміз. Біздің конференциямыздың философиясы осы» — деп атап өтті CONNECTED конференциясының бас продюсері, GreenTech және Climate саласының кәсіпкері Руслан Жемков.
Конференцияға ҚР Ғылым және жоғары білім министрі Саясат Нұрбек және Оқу-ағарту министрі Ғани Бейсембаев қатысады.
Іс-шараның спикерлері ретінде Нобель сыйлығының лауреаттары, ғалымдар, қоғам және мемлекет қайраткерлері, жазушылар, әлемдік жетекші EdTech компаниялардың негізін қалаушылар мен өкілдері қатысады.
Олардың қатарында келесі әлемдік сарапшылар бар:
Рае Квон Чунг, Жасыл экономика саласы бойынша Нобель сыйлығының лауреаты, BanKi-moon Foundation for a Better Future директоры (Оңтүстік Корея)
Марк Миневич, бестселлер кітаптардың авторы, ЖИ саласының сарапшысы, стратег (АҚШ)
Юнес Бенсоуда, «Жасанды интеллект» пәні бойынша Стэнфорд университетінің оқытушысы, AI қолданушыларының жақтаушысы (АҚШ)
Герд Леонгард, футуролог, гуманист, жазушы, Good Future жобасының негізін қалаушы (Швейцария)
Кристина фон Месслинг, Future Today Institute Еуропалық бюросының басшысы, футуролог (АҚШ)
Йонг Жао, Kansas University-нің профессоры, білім саласындағы реформалар сарапшысы, білім саласында мойындалған ықпалды ғалымдардың бірі (АҚШ)
Питер Франкопан, тарихшы, жазушы, Оқсфорд университетінің профессоры, «Жібек жолы: Жаңа әлем тарихы» бестселлерінің авторы (Ұлыбритания)
Моника Билските, футуролог, спекулятивті дизайнер, Disney және Marvel компанияларындағы «Қара Пантераның» Ваканда әлемін құрау сұрақтары бойынша кеңесшісі (Оңтүстік Африка)
Таня Шиндлер, Футурологтар Ассоциясының президенті, Еуропалық комиссияның форсайт-кеңесшісі (Германия)
Пэгги Лю, «Қытайдың жасыл Құдайы», жасыл дамудың қорғаушысы, TornadoLeadership жетекшісі (Қытай)
Бронвин Уильямс, футуролог, трендтер аналитигі, экономист, UNDP Futures Fellow (Оңтүстік Африка)
Николя Фуко, Coursera компаниясының Еуропа, таяу Шығыс және Африка елдері бойынша басқарушы директоры (Ұлыбритания)
Бен Нельсон, Minerva University-нің президенті (АҚШ).
Конференцияның бағдарламасы үш тақырыптық бағытты қамтиды:
Future Shaping (Келешекті пайымдау) – келешектің жаңа үлгісі мен картасын құру
Бұл бағыт келешектің жаңа бейнесін көрсете алатын жаһандық нарративтерді талқылауды мақсат етеді. Келешекті болжау, модельдеу, дәстүрлер алуандығы мен саяси жүйелер және құндылықтар мәселелерін қарастырады.
2. Future Education&Science (Болашақтың білімі мен ғылым саласы) – Келешек үшін өте өзекті саналатын білім саласына арналған бағыт
Бұл жерде өзгермелі әлемге жаһандық нарративтер арқылы студенттерді дайындайтын ағымдағы және болашақ білім саласын қайта пайымдауды талқылайтын сауалдар қарастырылады. Қатысушылар сонымен қатар әдістемелерге бейімделу мен оқудағы жаңа форматтардағы соңғы инновацияларды талқыға салады. Негізгі идея – білімге пайымды көзқарас қалыптастыру.
3. EdTechand Impact Entrepreneurship (Білім технологиялары және импакт-кәсіпкерлік) – Жаңа қоғамдағы білімнің ықпалы мен пайдасының мағынасын ұғыну.
Технологиялар мен инновациялар білім саласына қалай ықпал етеді,әлемдік көзқарастарды өзгертеді? (ЖИ қолдану) Impact деп аталатын қоғамға пайдалы ықпалды қалай құру керек? Заманауи технологияларды қолдану арқылы білімге тұрақты қолдауды қалай құрамыз?
Ұйымдастырушылар CONNECTED-2024 конференциясы жаһандық өзгеріс агенттері мен қатысушыларын жинайтынын айтады. Олар әлеуметтік прогресске үлесін қосып, білімдерімен бөліседі.Конференциядағы барлық баяндамалар идеяларды алға тарта отырып, құндылықтарды сақтауды көздейді.
Іс-шара алаңы түрлі мәдениет пен адамдарды біріктіре отырып, адамзат мәселелерін талқыға салады.
Аймақтық зерттеулер орталығы ұйымдастырып жатқан масштабты шараның негізгі серіктесі Білім беру саласын тұрақты дамыту қоры болып табылады
Өтетін орыны : Конгресс-центр EXPO.
Ресми сайт: www.connected.kz.
