«Аралдың кебін киеді»: Жамбылдағы ең үлкен көлдің тартылғаны елді алаңдатып отыр,-деп хабарлайды Qazyr.kz,Nur.kz-ке сілтеме жасап.
Жамбылда үш бірдей ауданның ортақ айдынына айналған Билікөл көлі тартылып барады. Қазірдің өзінде көл суы жағалаудан 1 шақырымға тартылған. Жергілікті халық көл суының сарқылу себебін оның басқа арнаға бұрылғанынан көреді. Айдынды айнала қоршаған 12 ауылдың халқы жиналып, экологиялық апат қауіпі төніп тұрғанын айтты.
«Тартылып кетсе катастрофа болады. Шын айтамын. Ашуды туғызбаңыздар! Билікөлге су келмейтін болса, Асаның суы құйылмайтын болса, баяғы Аралдың кебін киеді. Бүкіл тұзы, көлдің түбіндегі фосфор ұшады да, ел сол фосфордың зиянын көреді. Бұл деген табиғаттың заңына қарсы шығу. Физикалық заңдылықтарға қарсы шығу», — дейді Қарабастау ауылының тұрғыны Жаңабек Садықов.