Балалығым, пәктігім –
бал күндерді сағындым,
Мерекесі, шаттығы
мол күндерді сағындым.
Саялаған шынарым –
әке-шешем қасымда,
Еркелігім көтерген
сол күндерді сағындым.
Білім нәрін алғаным
мектебімді сағындым,
Жік бөлінбей арамыз
он жыл бірге оқыған,
Құрбылар мен қатарлас
өткен күнді сағындым.
Он алты жас – құлпырған
гүл кезімді сағындым,
Айта алмай қиналған,
бір сөзіңді сағындым.
Жалғыз маған арналған
дос сыныптас жігіттің,
Жүрегінде бүр жарған
нұр сезімді сағындым…
