Ресей Қырғызстанға жел электр станциясын салмақшы, деп хабарлайды Qazyr.kz порталы. «Росатом жаңартылатын энергия» АҚ Бас директоры Григорий Назаров жел паркінің белгіленген қуаты 100 мегаватт болатынын айтты. 2025 жылы Қырғызстанның Ыстықкөл облысы Көк-Мойноқ ауылында жел электр станциясының құрылысы басталады.
«Ол 200 гектар жерде орналасады. Қондырғылардың өзі аз орын алады, тиісінше осы жердегі жолдар мен жайылымдар жергілікті тұрғындар үшін қолжетімді болады», — деп атап өтті Назаров.
Григорий Назаров құрылыс аяқталғаннан кейін станция 25-30 жыл ішінде электр қуатын өндіре алатынын айтты.
