Орал қаласында 16 қыркүйек күні сағат 9:00 шамасында Абай даңғылы мен Құрманғазы көшесінің қиылысында жол апаты болды. Жол полициясының мәліметінше, қиылыста скутер мен Chery Tiggo көлігі соқтығысты, деп хабарлайды Qazyr.kz порталы.
Қазіргі уақытта оқиғаның мән-жайлары анықталып жатыр. Оқиға орнына келген дәрігерлер 16 жастағы скутер жүргізушісін ауруханаға жеткізді.
Облыстық денсаулық сақтау басқармасының хабарлауынша, жасөспірім облыстық балалар көпсалалы ауруханасындағы травматология бөліміне жатқызылып, қажетті ем алып жатқаны белгілі болды. Дәрігерлер оның жағдайын орташа ауыр деп бағалап отыр.
