Петропавлда полицейлер зейнеткерді 3 миллион теңге шығыннан құтқарды, деп хабарлайды Qazyr.kz порталы ІІМ-не сілтеме жасап.
Петропавлдық 63 жастағы зейнеткер интернет-алаяқтардың құрбаны бола жаздады. Оған белгісіз адамдар қоңырау шалып, оның банктік шотына алаяқтар күмәнді операция жүргізіп жатқанын айтып қорқытқан.
Бұны естіген қала тұрғыны қылмыскерлердің нұсқауларын орындау үшін көрсетілген банкке 3 миллион теңге сомасында қолма-қол ақша алып бара жатқан. Бірақ бұл ақшаны банкомат арқылы қалай аудару керек екенін білмеген. Жолда полиция бекетіне кіріп, жағдайды баяндаған.
Тәртіп сақшылары интернет-алаяқтық екенін біліп, шығынның алдын алды.
