Синоптиктер 17-19 қыркүйекке арналған ауа райы болжамын ұсынды, деп хабарлайды Qazyr.kz порталы.
«Қазгидромет» РМК баспасөз қызметінің мәліметінше, алдағы күндері кең ауқымды антициклон Қазақстан территориясының көп бөлігін қамтиды. Сол себепті жауын-шашынсыз ауа райы сақталады. Ал еліміздің оңтүстік жартысына циклон және онымен байланысты атмосфералық фронтальды бөлімдер әсер етеді. Сондықтан жаңбыр жауып, найзағай ойнайды.
Мамандардың айтуынша, 17-19 қыркүйекте 2-5 градусқа дейін үсік жүреді.
Республика бойынша жел күшейеді. Түнгі және таңертеңгі сағаттарда елдің солтүстігінде, солтүстік-батысында және шығысында тұман болады.
