АЭС-ға қарсылық танытқан Алматыда бес адамды екі айға қамауға алды.Бұл туралы Qazyr.kz тілшісі хабарлайды.
Белсенді Абзал Достиярдың айтуынша, қамауға алынғандардың арасында Нұрлан Жаулыбаев, Нұрлан Темірғалиев, Жанат Қазақбай, Фазылжан Сыздықов бар.
«Жексенбіде ұсталған алты белсендіні кеше сағат 22.00 шамасында екі айға қамауға алу туралы шешім шығарды. Алтыншы адамның аты-жөні белгісіз. Ол Ерболат Әубәкіров болуы мүмкін. Өйткені онымен байланысу мүмкін болмай отыр», – деді белсенді.
Сондай-ақ,бүгін полиция ұстаған Гүлжахан Бәйіт есімді ақжаулықты анаға “заңсыз үгіт-насихат материалдарын тараттың” деп 42 мың теңге айыппұл салғанын да жеткізді.