Шымкентте сыбайлас жемқорлық әрекеттері туралы құзырлы органдарға дер кезінде хабар жеткізген 5 азаматқа 9 миллион теңгеге жуық сыйақы берілді, деп хабарлайды Qazyr.kz порталы.
Шымкенттік мамандардың айтуынша, жемқорлықпен күресте қала тұрғындары жыл өткен сайын белсенділік танытып келеді. Мәселен өткен жылы 7 ақпарат берушінің арқасында оңай олжа тапқысы келгендер қолға түскен.
Ескертетін жағдай, бір жолғы ақшалай сыйақы ұсынылған пара сомасының 10 пайызын құрайды. Көтермелеу қаржысы кінәлілерге сот үкімі шығарылғаннан кейін беріледі. Сонымен қатар ақпарат берушілер туралы мәліметтер ешқайда жарияланбайды, құпиялығы сақталады.
