Ресей президенті Владимир Путин АҚШ-тың жаңа сайланған президенті Дональд Трамппен Украинадағы соғысты тоқтату туралы келіссөздерге дайын,бірақ маңызды аумақтық жеңілдіктерге дайын емес және Украинаның НАТО-ға кіруіне қарсы. Бұл туралы 20 қараша айында Кремльдің жоспарларымен таныс қазіргі және бұрынғы ресейлік бес шенеуніктің сөзіне сілтеме жасай отырып, Reuters жазды,-деп хабарлайды Qazyr.kz.
Ведомствоның айтуынша, бұл Путиннің Трамппен жасалатын кез келген келіссөзге немен келісуге дайын екендігі туралы алғашқы ақпарат.
Дереккөздердің хабарлауынша, Ресей билігі қазіргі майдан шебіндегі қақтығысты тоқтатуға жалпы келісуі мүмкін. Ресей тарапы 2022 жылдың қыркүйегінде Ресей аннексиялаған Донецк, Луганск, Запорожье және Херсон облыстарының нақты бөлінуін талқылауға дайын. Екі шенеунік Reuters агенттігіне Ресейдің Харьков және Николаев облыстарындағы салыстырмалы түрде аз ғана аумақтан бас тартуға дайын екенін айтты.
