Шырша безендіру кезінде құлаған мұғалім ісі бойынша жұмыс беруші кінәлі деп танылды.Бұл туралы Qazyr.kz хабарлайды.
Семейде мұғалім Қуат Айтқалидың биіктен құлауы бойынша Еңбек инспекциясы тексеру жұмыстарын аяқтады. Жұмыс берушінің еңбек қауіпсіздігі ережелерін бұзғаны толық дәлелденді.
Мұғалімге жоғалған жалақысы толық көлемде төленіп, ем-дом шығындары өтеледі. Іс материалдары полицияға жолданып, жұмыс беруші жауапқа тартылады.
Оқиға 22 желтоқсанда болған. Мұғалім 8 қаңтарда ауыр операциядан кейін ауруханадан шықты, бірақ ем-дом жалғасуда.
