«Ақшаны үнемдеңіздер»: Елімізге танымал сынықшы Бағдагүл Лепесова халықты тойшылдықты азайтуға шақырды,деп хабарлайды Qazyr.kz.
Елімізге танымал сынықшы, халық емшісі Бағдагүл Лепесова қоғамды алаңдатқан маңызды мәселеге назар аударды. Ол өз сөзінде еліміздегі тойшылдық мәдениетін шектеп, ақшаны үнемдеуге шақырды. Оның пікірінше, қазіргі уақытта көпшіліктің ақшасын тойларға жұмсауы, отбасылық бюджетті ауырлатып, халықтың тұрмысын қиындатуға әкеледі.
Бағдагүл Лепесова соңғы жылдары той өткізудің шектен тыс сәнге айналғанын айтып, қоғамның дәстүрлі той өткізуге деген құштарлығының артқанын атап өтті. «Бір күні болмаса да, басқа күні той жасауға деген ұмтылыс адамдарды қаржылық тұрғыдан қиын жағдайға душар етеді. Бұл тек жеке тұлғаларға ғана емес, жалпы қоғамға да кері әсерін тигізеді,» – деді ол.
Сынықшының айтуынша, елімізде жыл сайын өтетін тойлардың саны көп болса да, олардың көпшілігі қымбат әрі артында нақты қажеттілік болмайды. Әсіресе, қазіргі экономикалық жағдайда тойлар мен үлкен мерекелерге жұмсалатын ақшаның орнына оны ел көріп,әлем аралауға немесе отбасылық қажеттіліктерге жұмсаудың пайдасы зор екенін түсіндірді.
