Сыртқы істер министрлігінің ресми өкілі Айбек Смадияров Таяу Шығыстағы жағдайға байланысты қаза тапқандар мен зардап шеккендердің арасында қазақстандықтардың бар-жоғы туралы мәлімдеді, деп хабарлайды Qazyr.kz
Қаза тапқандар мен зардап шеккендердің арасында біздің азаматтар жоқ. Біз танитын барлық азаматтармен мессенджерлердегі чаттар арқылы байланыс ұстап отырмыз. Қандай да бір жағдай бола қалса, олар бірден елшілікке хабар береді, – деді Айбек Смадияров брифингте.
Смадияровтың дерегінше, Иранда 132 Қазақстан азаматы болса, Израильде 219 адам бар.
Бұған дейін шабуылдардан Иранда 70-тен астам әйел мен бала көз жұмған болатын. Сонан соң Иран тұрғындары Израильді жазалауды талап етіп көшеге шықты.
