АҚШ Қазақстанға қатысты сауда шектеулерін алып тастауы мүмкін,деп хабарлайды Qazyr.kz.
АҚШ Конгресі Қазақстанға қатысты сауда шектеулерін алып тастау туралы заң жобасын қарастыруда. Бұл қадам екі ел арасындағы экономикалық әріптестікті нығайтуға және сауда айналымын арттыруға бағытталған.
Қазақстан Орталық Азиядағы ең ірі экономикаға ие және аймақтың жалпы ішкі өнімінің үштен бірін қамтамасыз етеді. Сонымен қатар, ел әлемдік уран өндірісінің 43%-ын құрайтын стратегиялық маңызы жоғары мемлекет болып саналады.
АҚШ тарапы Қазақстанның сауда шектеулерін алып тастауға лайық екенін атап өтті. Өткен жылдары екі ел арасындағы сауда айналымы рекордтық көрсеткішке жеткен. Осыған байланысты, Вашингтон Қазақстанмен экономикалық байланыстарды жаңа деңгейге көтеруді мақсат тұтып отыр.
Бұл заң жобасы қабылданса, Қазақстан мен АҚШ арасындағы сауда қарым-қатынастары одан әрі дамып, жаңа мүмкіндіктер ашылуы мүмкін.
