Алматы облысы полициясы Хасан Қасымбаевқа қатысты істің тоқтатылғанын жоққа шығарды,деп хабарлайды Qazyr.kz.
Алматы облысының полиция департаменті Хасан Қасымбаевқа қатысты бір істің тоқтатылғаны туралы ақпаратты жоққа шығарды. Құқық қорғау органдарының хабарлауынша, Қасымбаевқа адам ұрлау, денсаулыққа қасақана ауыр зиян келтіру және бопсалау фактілері бойынша тергеу жалғасып жатыр.
Полицияның мәлімдемесінде тергеу амалдары әлі аяқталмағаны атап өтілген. Іс материалдары тергеу процесі толығымен аяқталғаннан кейін тараптарға танысу үшін берілетіні хабарланды.
«Қазіргі уақытта барлық қажетті тергеу әрекеттері жүргізілуде. Іс бойынша қосымша ақпарат тергеу нәтижесіне сәйкес беріледі», – делінген ресми хабарламада.
