Бұл қазақ арсыздыққа бөтен еді,
Ар үшін жанын құрбан етер еді.
Ел болам десең түзе экраныңды,
Бұл өзі заманауи мәтел еді.
Елің қайдан түзелсін экраныңның,
Күндіз-түн көрсеткені шетел еді.
Басқа басқа әуелі Ұлттық арна,
Арсыздыққа халықты жетеледі.
Ойнастықты дәріптер түріктердің,
Сериялы түбіңе жетер еді.
Қызтекенің өмірін суреттейтін,
Кәрістердің киносы «шекер» еді.
Соларға еліктеген ұл-қызыңның,
Қылығы бекерден де бетер еді.
Енесін тыңдамайтын үнді «келін»,
Қазаққа қандай пайда әкеледі.
Ұмытып ұлтымызға тән ғұрыпты,
Сіңірдік жұртыма жат бар қылықты.
Жақында Ұлттық арнаға бас маман ғып,
Ресейден орыс әйел алдырыпты.
Әлгі әйел келе сала жылы орынға,
Жайғасып ап салыпты бар бүлікті.
«Ассалаумағалейкум» деген сөзді,
Эфирден айтпасын деп заң қылыпты.
Ол сөздер ескіліктің қалдығы деп,
Қасиетті сөзіңді қор қылыпты.
