Экономист: ҚҚС мөлшерлемесін салаларға қарай саралау қажет,деп хабарлайды Qazyr.kz«Ашық алаң» бағдарламасына сілтеп. Экономист Абай Кенжебай салық саясатын қайта қарау қажеттігін айтты. Оның пікірінше, тауарлар мен қызмет түрлеріне байланысты қосылған құн салығы (ҚҚС) әртүрлі мөлшерде белгіленуі тиіс.
Сарапшының айтуынша, әлеуметтік маңызы бар салалар үшін ҚҚС мөлшері төмендетіліп, керісінше, кейбір тауарлар мен қызметтерге салық жүктемесі арттырылуы қажет.
Азық-түлік, қоғамдық тамақтану, жолаушы тасымалы секілді халыққа қажетті салаларда ҚҚС төмен болуы керек.
Алкогольдік ішімдіктер, құмар ойындар сияқты өнімдер мен қызметтерге салық жоғары белгіленуі қажет.
«ҚҚС мөлшерлемесі ең төменгі 5-10% аралығында, ал кейбір салаларда 12-15% деңгейінде белгіленуі тиіс», – дейді Абай Кенжебай.
Бұл өзгерістер халықтың әлеуметтік жағдайын жақсартуға және экономиканы тұрақтандыруға ықпал етуі мүмкін.
