Кірпі келіп, Көртышқанның інінен аз күнге қоныс сұрады.
Көртышқан қоныс берді. Тышқанның балаларына кірпінің инелері қадалып, әбден бәле болды. Бір күні тышқан кірпіге айтты:
– Біраз тұрдың ғой, енді інімізді босатсаң екен. Қылқаның қадалып, балаларымыздың мазасы кетіп болды.
Сонда кірпінің айтқаны:
– Бұл орын маған жайлы, басқа орынның керегі жоқ. Саған жайсыз болса, жайлы орын ізде!
Қонақ мықты болса, қожасын билер.
