Қанша адамның есімі Астана деп аталады?
6 шілдеде Қазақстанда мемлекеттік мереке – Елорда күні тойланады.
Ұлттық статистика бюросының мәліметі бойынша, республикада Астана есімімен 26 адам тұрады, оның 18-і ерлер, 8-і әйелдер. Бұл ретте елорданың құрметіне небәрі 17 адамға есім берілген, қалғандары 1998 жылға дейін де осы есіммен аталған.
Сондай-ақ, елорданың басты көрікті жерлерінің бірі «Бәйтерек» монументінің құрметіне 41 адамға, қазақша «Бәйтерек» транскрипциясында 31 адамға есім берілген екен.
