Қазақстан Республикасының Премьер-министрі Олжас Бектенов Ресейге ресми сапары барысында Ресей Үкіметінің төрағасы Михаил Мишустинмен екіжақты келіссөздер өткізді. Кездесу барысында екі ел арасындағы сауда-экономикалық ынтымақтастықтың өзекті мәселелері талқыланды деп хабарлайды Qazyr.kz
Тараптар өзара тауар айналымын $30 млрд-қа дейін арттыруға ниетті екенін білдірді. 2023 жылы тауар айналымы $27,8 млрд-ты құрап, 3%-ға өскен. Сонымен қатар, 171 бірлескен жоба іске асырылып, 45,4 мыңға жуық жұмыс орны ашылғаны атап өтілді.
Агроөнеркәсіп саласындағы өзара іс-қимыл да ерекше маңызға ие. Бұл бағытта тауар айналымы $3,8 млрд-қа жетіп, 4,5%-ға артқан. Көлік-транзиттік салада «Солтүстік – Оңтүстік» дәлізінің Шығыс тармағы бойынша жүк ағыны 2,4 млн тоннаға дейін өскен.
Келіссөздер қорытындысында екіжақты қарым-қатынасты нығайтуға бағытталған ортақ ұстанымдар мен нақты қадамдар нақтыланып, Ынтымақтастық жөніндегі үкіметаралық комиссия жұмысының маңыздылығы атап өтілді.
