Парламент Мәжілісінде Легионерлерге мемлекет және квазимемлекеттік сектор бюджеті есебінен қаржы бөлуге тыйым салатын норма қабылданды.
Осылайша, легионерлер мемлекет есебінен жалақы алмайтын болады. Мемлекет тарапынан қаржыландырылатын спорт түрлерінің саны үш есе қысқарады. Заңға «жоғары жетістіктер спорты» деген түсінік енгізіліп, қаржы енді соларға бағытталады. Бұл: Олимпиада, Паралимпиада, Сурдлимпиада, Азия, Пара Азия және ұлттық спорт түрлері.
Мұндай шешім Қазақстан құрамасының 2024 жылғы Париж Олимпиадасында сәтсіз өнер көрсетуіне байланысты және де Қасым-Жомарт Тоқаевтың мемлекеттік қаражатты тиімді пайдалану туралы тапсырмасын орындау аясында қабылданды.
