Премьер-министрдің орынбасары Қанат Бозымбаев көктемгі су тасқынынан келген шығын туралы пікір білдірді, деп хабарлайды Qazyr.kz порталы.
«Жалпы алдын ала деректер бойынша 300 млрд теңгеден асқан болатын. Бірақ бұл нақты сан емес. Әлі де 1-1,5 ай керек. Бөгеттер салынып жатыр, қалпына келтіру жұмыстары жүріп жатыр. Жолдар, құбырлар, плотиналар бар. Оларды қалпына келтірген соң нақты сома белгілі болады. Бұл үздіксіз процесс болғандықтан, оны бағалау қиын. Қазірдің өзінде 300 млрд теңгеден астам қаржы жұмсалды», — деді спикер Үкімет отырысынан кейінгі брифингте.
Бозымбаев биылғы топан судан келген шығынның есебі жыл соңына дейін дайын болатынын айтты.
