Сурет: report.az
Конго Демократиялық Республикасында соғыс өршіп, Руанданың араласуы дауларды шиеленістірді,деп хабарлайды Qazyr.kz.
Орталық Африкада, Конго Демократиялық Республикасында соғыс жағдайы асқынып тұр. Руанда қолдау көрсетіп жатқан M23 көтерілісшіл қозғалысы елдің шығысындағы Солтүстік Киву провинциясындағы 800 мың халқы бар Гома қаласын басып алды. КДР армиясының көптеген сарбазы қаруларын тастап, қарсыласқа берілуге мәжбүр болды.
Конго армиясының жоғары шенділері Руанданың M23 қозғалысына қолдау көрсетуін тоқтатпаса, елде ауқымды соғыс басталуы мүмкін екенін ескертіп отыр. Осыған байланысты, Конго Демократиялық Республикасы Руандамен дипломатиялық қарым-қатынастарын үзді.
Соғыс барысында Біріккен Ұлттар Ұйымының 13 бітімгері мен Оңтүстік Африкадан 9 бітімгер қаза тапқан. Халықаралық қоғамдастықтың назарын аударатын бұл жағдай, тұрақтылық пен қауіпсіздік мәселелерін күрт шиеленістірді.
