Қазақстан ұлттық құрамасының спортшылары Дүниежүзілік көшпенділер ойындарының бесінші жарыс күнінде 5 алтын, 7 күміс, 2 қола жүлде жеңіп алды, — деп хабарлайды Qazyr.kz порталы worldnomadgames.kz сайтына сілтеме жасап.
Айта кетсек, жалпы есепте Қазақстан қоржынында 32 алтын, 24 күміс, 27 қола жүлде бар.
5-ші Дүниежүзілік көшпенділер ойындарының жабылу рәсімі «Қазанат» орталық ипподромында өткізілетін көкпар турнирінің финалист командаларының финалдық ойыны бітісімен өткізіледі. Ойын соңында қатысушылар шеруі болады. Жабылу рәсімі ойын кезінде біріккен спортшылардың ынтымақтастығын білдіретін ортақ команда форматында өтеді.
