Шаршап келсе жұмыстан,
Қабағыңа қарайтын.
Тәңіріндей санайтын,
Жары болсын жігіттің.
Алыс кетсе сағынып,
Перзентіне абынып,
Күтетұғын жабығып,
Жары болсын жігіттің.
Ауыр сәтте жұбатып,
Арттыратын қуатын.
Жайын айтпай ұғатын
Жары болсын жігіттің.
Шектен озбай қылығы,
Сезілмеген былығы.
Мөлдір судай тұнығы,
Жары болсын жігіттің.
Алла өзі қолдаса,
Осындай жар жолдаса.
Қалайша бақ қонбасқа,
Жолы болсын жігіттің.
