Маңғыстауда балабақша директоры бюджет қаржысын заңсыз пайдаланғаны үшін жазаланды,деп хабарлайды Qazyr.kz.
Маңғыстау ауданында жекеменшік балабақша директоры бюджет қаражатын заңсыз иемденгені анықталды. Прокуратураның тексеруі нәтижесінде балабақшаға келмеген балалар үшін 6,6 миллион теңге заңсыз төленгені белгілі болды.
Аталған дерек бойынша қылмыстық іс қозғалып, тергеу жүргізілді. Іс сотқа жолданып, үкім шықты. Сот шешімімен балабақша директоры үш жылға бас бостандығын шектеу жазасына кесілді. Сонымен қатар, ол екі жыл бойы мектепке дейінгі білім беру саласында жұмыс істеу құқығынан айырылды.
