NEGE порталына өткен жұмадан бері хакерлік шабуыл жасалып жатыр.
Сайт қазір баяу ашылып тұр. Редакция бүгін шабуылды кім жасап жатқанын білетіндерін, алайда нақты дәлел жоғын айтып, пост жазды.
«Құрметті достар! NEGE порталының адал оқырмандары!Порталға өткен жұмада басталған хакерлік шабуыл әлі жалғасып жатыр. Арнайы мамандар мұндай белсенді шабуылдың құны тәулігіне 15 мың $ екенін айтады. Мұның кімнен келген кеп екенін ішіміз сезеді, бірақ қолда нақты дәлел жоқ. Біз жұмысымызды жалғастыра береміз! Портал қайта қалыпқа келгенше әлеуметтік желідегі парақшаларымыздан көз жазбаңыз!»-деп жазды сайттың бас редакторы Ерік Рахым.
