Фото: freepik
Щи — орыс халқының ұлттық асханасының тағамы. Щиді қырыққабаттан, тұздалған қырыққабаттан, савой қырыққабатынан қымыздықтан, саумалдықтан жəне сонымен қатар, жас қалақайдан жасауға болады. Щиді сүйекті, еттісүйекті сорпаларда, саңырауқұлақтардың, көкөністі жəне жарма қайнатпасында қайнатады, оны əртүрлі ет өнімдерімен, қаз, үйрек еттерімен, қыртыс майлармен ұсынады. Сонымен қатар, щиді балық сорпасында дайындауға (негізі тұздалған қырыққабатпен) болады, қаймақпен, хамса теңіз балығымен, тұздалған тюлькамен ұсынуға болады.
Кейбір қырыққабат түрлері щиге ащылау дəм береді. Ондай қырыққабаттарды берер алдын ыстық суда жидітеді.
Щиді ұсыну кезінде бəлішті, ішіне ірімшік салынып пісірілген нан, самсаны қоса ұсынады; тұздалған қырыққабаттан – бытырап піскен қарақұмық жармасы, жармалар, ішіне ірімшік салып пісірілген нанды.
