«Шымкентте 10 жасар бала субұрқаққа түсіп қаза болды.»,-деп хабарлайды Қазір ақпарат агенттігінің тілшісі Шымкент қалалық полициясына сілтеме жасап.
Қайғылы оқиға кеше кешкісін болды. Н.Назарбаев даңғылында орналасқан субұрқаққа суға түскен 10 жастағы жеткіншек оқиға орнында жан тапсырды. Бұл туралы сағат 19:30 шамасында Төтенше жағдайлар департаментінің дағдарыс жағдайларды басқару басқармасына хабарлама түскен.
Бала ата-анасының қадағалауынсыз жүрген. Қазір Полиция департаменті сот-медициналық сараптама тағайындады, — делінген Шымкент қаласы ТЖД қоғаммен байланыс тобы таратқан ақпаратта.
