АҚШ-тың бұрынғы президенті Дональд Трамп Сауд Арабиясы мен ОПЕК-ті мұнай бағасын төмендетуге шақырды. Оның айтуынша, бұл қадам Украина мен Ресей арасындағы соғысты тоқтатуға ықпал етуі мүмкін.Бұл туралы Qazyr.kz хабарлайды.
«Сауд Арабиясын және ОПЕК-ті мұнай бағасын төмендетуге шақырамын. Олардың мұны сайлауға дейін жасамағанына таңғаламын. Баға төмендесе, Ресей мен Украина арасындағы соғыс тез аяқталар еді. Ал баға шарықтап тұрса, бұл қақтығыс жалғаса береді», – деді Трамп Давос экономикалық форумында сөйлеген сөзінде.
Бұл мәлімдемеден кейін әлемдік нарықта мұнай бағасы айтарлықтай төмендеді. Brent маркалы мұнайдың бір баррелі 77,96 долларға дейін арзандаса, WTI сұрыпты мұнай 74,29 долларға түсті. Бұл қаңтар айындағы алғашқы баға төмендеуі болды.
Сарапшылардың пікірінше, мұнай бағасының төмендеуі Ресей экономикасына қысым жасап, соғысты қаржыландыру мүмкіндігін шектеуі ықтимал. Дегенмен, Сауд Арабиясы мен ОПЕК-тің бұл бастамаға қалай жауап беретіні әзірге белгісіз.
