Қарағанды облысында 10 ай бұрын жоғалған ер адам аман-есен табылды, деп хабарлайды Qazyr.kz порталы.
Полицияның мәліметінше, осы жылдың басынан бері хабар-ошарсыз кеткен Қарағанды қаласының 47 жастағы тұрғыны табылды. Қаңтар айында жоғалып кеткен азаматтың туыстары оны іздеу туралы әлеуметтік желіде хабарлама таратқан.
Ер адамның айтуынша, ол осы 10 айдың ішінде өңірдегі аудандардың бірінде тұрған, ал жақында Бұқар жырау ауданына келген. Ер адам өзінің мекен-жайын туған-туысына айтуды қаламаған. Сол себепті ер адам ешкіммен байланысқа шықпағандығын айтты.
