«Манчестер Сити» Өзбекстан футбол құрамасындағы қақпа қорғаушысы Абдуходир Хусановты 50 миллион еуроға құрамына қосуды мақұлдады.Бұл туралы Qazyr.kz тілшісі хабарлайды.
Ағылшынның әйгілі клубы «Ланс» командасы мен Өзбекстан құрамасының орталық қорғаушысы Абдуходир Хусановты өз құрамына қосу жөнінде келісімге келді. Белгілі спорт журналисті Фабрицио Романоныӊ мәлімдеуінше, 20 жастағы жас ойыншы жақын арада Пеп Гвардиола басқаратын атақты командада ойнайтын болады.
Дереккөз мәліметіне қарағанда, «Манчестер Сити» бұл ауысым бойынша жұмысты 2024 жылдың соңында бастаған. Қазіргі уақытта «Ланс» клубымен келіссөздер аяқталуға жақын, ал бас бапкер Пеп Гвардиола ойыншыны командаға қабылдауға келісімін берді.
Айта кетейік, Абдуходир Хусанов Франция чемпионатында маусымның басты жаңалықтарының бірі болды. Жас футболшы қысқа мерзімде керемет жетістіктерге қол жеткізді. Биылғы маусымда ол Франция чемпионатында 13 ойын өткізіп, өткен жылғы көрсеткішінен (11 матч) асып түсті.
