Сурет: видеодан скрин
Моңғолияда үкіметтің отставкаға кетуін талап етіп үш мыңға жуық адам шеруге шықты.Бұл туралы Qazyr.kz тілшісі хабарлайды.
Моңғолия астанасы Ұлан-Баторда халық үкіметке қарсы наразылық акциясына жиналды. Азаматтар елдегі жемқорлықтың өршуіне және әлеуметтік түйткілдердің шешілмей жатқанына қарсылық білдірді. Шеруде қозғалған мәселелер қатарында жолдағы көлік кептелісі, салық ауыртпалығы, сондай-ақ қаладағы ауа ластануын азайту мәселесі бар. Орталық Сухэ-Батор алаңына шамамен 3 мың адам жиналған.
Zindaa.mn ақпарат агенттігінің мәліметіне сүйенсек, наразылық кезінде Моңғолия астанасы Ұлан-Баторда 15 автобус бағыты тоқтап, орталық көшелерде көлік қозғалысы шектелген
Шара бірнеше сағатқа созылып, жиналғандар жергілікті уақытпен сағат 17:00-де тарауы тиіс болған. Алайда шерушілер Парламенттен үкіметті отставкаға жіберуді талап етіп, кейбірі үкімет кеңсесіне кіруге әрекеттенген. Оларға арнайы жасақ тосқауыл қойды.
