Түркістан облысында зиянкестермен күрес бойынша маңызды шаралар қолға алынуда.Бұл туралы Qazyr.kz тілшісі хабарлайды. 2025 жылы Марокко шегірткесінің күбіршелеріне қарсы химиялық өңдеу жұмыстары 529 мың гектар аумақта жүргізіледі деп жоспарлануда.
Облыс әкімінің орынбасары Нұрбол Тұрашбековтың жетекшілігімен өткен жиында жұмыс жоспары талқыланып, негізгі бағыттар белгіленді. Аймақтар 65 топқа бөлініп, 9 ауданның 57 ауылдық округі қамтылған. Жиында мамандарды бекіту, анықтаушыларды оқыту, химиялық өңдеу тиімділігін арттыру сынды мәселелер қарастырылды.
Маңызды міндеттер:
Қаңтар айының соңына дейін құжаттарды заң аясында реттеу;
Ақпан айында анықтаушыларды әдістемелік дайындықтан өткізу;
Жергілікті органдармен анықтаушылар тізімін бекіту.
Қосымша күш ретінде 843 маман мен 117 автокөлік жұмылдырылмақ. Сондай-ақ, химиялық препараттардың сапасын арттыру үшін ғалымдармен бірлескен талқылаулар жүргізіледі.
Нұрбол Тұрашбеков:
«Жұмысты уақытылы орындамаған тұлғалар қатаң жауапқа тартылады. Ерте басталған жұмыстардың нәтижелі болуына ерекше мән берілуі тиіс.»
Бұл шаралар зиянкестердің ауыл шаруашылығына зиянын азайтуға бағытталған және олардың тиімді жүзеге асырылуы қатаң бақылауда болады.»-деді ол.
