Қырғызстанда жаңа әнұранға арналған байқау басталды,деп хабарлайды Qazyr.kz.
Қырғызстанда жаңа мемлекеттік әнұран жасау үшін республикалық байқау жарияланды. Байқауға сазгерлер, ақындар, музыканттар мен шығармашылық ұжымдар қатыса алады.
Қырғызстанның мәдениет министрлігі байқау жеңімпаздарына дипломдар мен ақшалай сыйлықтар ұсынуға дайын. Бірінші орынға 1,5 миллион сом (8,7 миллион теңге), екінші орынға 1 миллион сом (5,8 миллион теңге), үшінші орынға 500 мың сом (2,9 миллион теңге) беріледі.
Бұл байқаудың мақсаты – халықтың тарихы мен мәдениетін, сондай-ақ бірлігін көрсететін жаңа әнұран жасау.
Жаңа әнұран осы жылдың сәуір айына дейін бекітілуі тиіс.
