2025-2026 жылдар аралығында Алматыда 311 электромобильдерді қуаттау бекеті ашылады деп хабарлайды Qazyr.kz.
Егер жоба толық іске асса, қаладағы қуаттау бекеттері 600-ден асады. Олар 8 385 электрлі көлікке қызмет көрсетеді. Бұл жайлы «Такси Қазақстан 2025» форумында «Алматы ӘКК» АҚ жобалар департаментінің директоры Ұлан Өсербаев айтып берді.
Қуаттау бекеттерін салу үшін инвесторлар арасында конкурс өткізілген, 311 жер учаскесі ойнатылды. Талап бойынша, бір учаскеге кем дегенде 10 млн теңге инвестиция салынуы керек.
«Қазір алты жеңімпаз анықталды. Олардың қатарында ірі компания өкілдері де, қызметін жаңа бастаған, нарықтағы орнын тауып жатқан шағын кәсіпорындар да бар. Жоспар бойынша, жоба 2025-2026 жылы пайдалануға берілуі керек», – деді Ұлан Өсербаев.
