Астанада автобуста жасөспірімді ұрып-соққан күдіктілер анықталды, деп хабарлайды Qazyr.kz.
Астана қалалық полиция департаментінің мәліметінше, күдіктілер 15 және 16 жастағы жасөспірімдер.
«Полиция қызметкерлері қоғамдық көлікте жасөспірімді ұрып-соғу бойынша 15 және 16 жастағы үш күдіктіні анықтап, полицияға жеткізді. Аталған фактіге қатысты «Денсаулыққа қасақана жеңіл зиян келтіру» бабы бойынша іс қозғалды. Қазіргі уақытта заңды өкілдері кәмелетке толмаған балаларды тәрбиелеуге қатысты міндетін тиісті түрде орындамағаны үшін жауапқа тартылмақ. Жасөспірімер профилактикалық есепке тұрғызылды. Оқиғаның мән-жайы анықталуда» делінген хабарламада.
