Білемін
Әлсін-әлсін ауырса да жүрегім,
Айналаға білдіртпеймін,күлемін.
Сырға тола лүпіл лебі бір күні,
Тоқтайтынын білемін…
Қайғым іште,
Күлкім жүзде.
Келемін сыр ақтарып сары күзге.
Сағыныш пен мұңдарды ұмыттырар,
Сыйласын мол қуаныш бәрімізге…
Сиреді жақындардың сұлба сомы,
Арамызда бір батшағар жүр ма долы.
Тіршілікпен алысып ақын жаным,
Қалады жыр жазуға тимей қолы.
Жалғыздыққа ұласты көкжалдығым,
Көңілде ескерілмей көп қалды мұң.
Қуанта алмай қаламын жақындарды,
Сыйланбайтын сыйлықтар текке алдырдым.
Әлсін-әлсін ауырса да жүрегім,
Айналаға білдіртпеймін,күлемін.
Сырға тола лүпіл лебі бір күні,
Тоқтайтынын білемін…
18.08.2021
Біржан Досжан
