Елімізде міндетті әскери қызметті өтеуді жою туралы петиция пайда болды.Бұл петиция Epetition.kz сайтында жарияланды деп хабарлайды Qazyr.kz.
Петиция авторының жазуынша,
«Қазақстан әскеріндегі қайғылы оқиғалардың бірден бір себебі – қарарда жоқ әлімжеттік мәселесі. Тиісті психологиялық дайындықтан өтпеген жас сарбаздар үлкен әскерлердің қысымы мен зорлығына тап болады. Мұның салдарынан сарбаздың психологиясы бүлініп, тіпті, суицид жасауға бел буады», – делінген.
Петиция авторы,міндетті әскери борышты алып тастап, кәсіби әскер жасақтауға шақырған.
«Сарбаздар әскерге тиісті дайындықсыз барады. Үшіншіден, әскердегі медициналық бақылау мен қауіпсіздік мәселесі де ақсап тұр», – дейді.
Айта кетейік, петиция 2024 жылдың 21 қыркүйегіне дейін талқыланады.
