Сурет:Pixabay.com
Қазақстанда енді сыбайлас жемқорлық жасағандардың аты-жөні арнайы тізімге енгізілетін болады. Бұл туралы Мәжіліс отырысында Сыбайлас жемқорлыққа қарсы іс-қимыл агенттігі төрағасының бірінші орынбасары Ұлан Сарқұлов мәлімдеді,-деп хабарлайды Qazyr.kz тілшісі.
Тізімге тек ауыр немесе аса ауыр сыбайлас жемқорлық қылмыстары үшін сотталғандардың мәліметтері енгізіледі. Қосылатын мәліметтер: аты-жөні, жұмыс орны, лауазымы, қылмыс құрамы, айыптау үкімі, жаза түрі.
Аталған мәліметтер тізілімнен тек ақтау үкімі шыққан жағдайда немесе соттылығы өтелгенде алынып тасталады.
