Иранда шахтада жарылыс болды. Қаза болғандар саны 51-ге жетті, деп хабарлайды Qazyr.kz порталы.
Алғашында 19 адамның денесі табылды. 17 адам ауыр халде жатқаны айтылды. Қайғылы оқиға Оңтүстік Хорасан провинциясының Табас қаласындағы көмір кен орнында болды. Жергілікті ақпарат агенттігінің хабарлауынша, метан газы жарылған.
Иран президенті Масуд Пезешкиан марқұмдардың туыстарына көңіл айтты.
Тебесте болған көмір шахтасындағы газ жарылысы кезінде шамамен 69 кенші жұмыс істеп жатқан.
Көмір кеніші ел астанасы Тегераннан 540 шақырым жерде орналасқан.
Құтқару операциясы жалғасып жатыр.
