«Зейнетақы қорындағы ақшаны ерте шешіп алуды тоқтату керек» Бұны Қазір.кз Atameken.business
-ке сілтеп хабарлайды.
«Қазақстан халқы» Басқарма төрағасы Болат Жәмішев пен Ұлттық банктің бұрынғы басшысы Григорий Марченко осылай деп Үкіметке өз ұсыныстарын жолдапты.
Мұны Еңбек министрлігі қолдап отыр.
«Базалық зейнетақы төлемін басқаша есептеу тәсілімен келісеміз. Біздің ұсынысымыз, біріншіден, зейнетақы ең төменгі еңбекақының 60 пайызына тең болуы тиіс. Екіншіден, сарапшылардың ұсынысы бойынша зейнетақы қорында жиналған ақшаны ерте шешіп алуды тоқтату керек. Біз де мұнымен келісеміз. Себебі қазір ерте шешіп алғандардың зейнетақысы 34 мың теңгеден аспайды. Сондықтан оны доғару керек», — деді министр Светлана Жақыпова.
