Қазақстан мұнай өнімдерін экспорттауға уақытша тыйым енгізді деп хабарлайды Qazyr.kz
Энергетика министрлігі 2025 жылғы 20 қарашадан бастап 2026 жылғы 20 мамырға дейін мұнай өнімдерін ел аумағынан шығаруға тыйым салу туралы бұйрық жариялады. Бұл шектеу Еуразиялық экономикалық одаққа (ЕАЭО) мүше мемлекеттерге де қатысты.
Құжатқа сәйкес, автокөлік және теміржол көлігімен бензин, дизель отыны және өзге де мұнай өнімдерін елден шығаруға болмайды.
Сонымен қатар, 2026 жылғы 1 қаңтар мен 30 маусым аралығында жеңіл дистилляттар, авиациялық керосин, дизель отыны, газойль, толуол, ксилол және мұнай битумын ЕАЭО аумағынан тыс елдерге экспорттауға тыйым салынады.
Бұл шаралар ішкі нарықты тұрақтандыру мен жанармай тапшылығын болдырмауға бағытталған.
