Қазгидромет мамыр айына арналған құрғақшылық болжамын шығарды.Бұл туралы QAZYR.KZ тілшісі хабарлайды.
Жалпы, 2024 жылғы мамырда негізгі астық егетін өңірлерде ылғалдандыру нормаға жақын және одан жоғары болады деп күтілуде.
«Қызылорда облысының Қармақшы ауданында атмосфералық құрғақшылық күтілуде, мұнда жауын-шашын тапшылығы мен жоғары температура болжануда. Мамыр айында Қостанай облысының Қарасу ауданында, Батыс Қазақстан облысының Бөрлі, Сырым және Қаратөбе аудандарында, Павлодар облысының Ертіс және Успен аудандарында және Павлодар қаласында өте ылғалды болады деп күтілуде», — деді «Қазгидромет» РМК баспасөз хатшысы Алина Исмагулова ОКҚ алаңында өткен брифингте.
Елдің қалған аумағында ылғалдану жағдайлары қалыпты және қалыпты ылғалды болады деп күтілуде.
