Өскемен тұрғыны көршілерінің көліктерін 5 минуттан артық қыздырғанын көріп, полицияға шағым түсірді. Нәтижесінде үш жүргізушіге айыппұл салынды.
Полиция департаментінің мәліметінше, мұндай жағдайларда айыппұл тек азаматтардың арызы мен дәлелдері (фото немесе видео) болғанда ғана тағайындалады.
Ережеге сай, тұрғын аймақта қозғалтқышы қосулы көлікті 5 минуттан артық қоюға болмайды. Құқық бұзғандарға 5 АЕК (19 660 теңге) мөлшерінде айыппұл салынады, ал қайталанған жағдайда – 10 АЕК (39 320 теңге).
Семейде су құбыры жарылып, жүздеген тұрғын сусыз қалды,деп хабарлайды Qazyr.kz.
16 қаңтар күні кешкі сағат 23:22-де Семей қаласының Қарағайлы ықшам ауданындағы №44 мекенжайда су құбырының жарылғаны туралы хабарлама түсті. Апат салдарынан ауыз су беру тоқтатылып, жүздеген тұрғын сусыз қалды.
Оқиға орнына «Семей Водоканал» мекемесінің авариялық бригадасы шұғыл жетіп, апаттың себебін анықтауға және оны жоюға кірісті. Сондай-ақ, Семей қаласының әкімі Талғат Мұратов жағдайды өз бақылауына алды.
Алдын ала мәліметке сәйкес, апат диаметрі 300 мм болатын су құбырында орын алған. Апатты жою үшін 2 арнайы техника мен 5 маман жұмылдырылды.
Қазіргі уақытта жөндеу жұмыстары жүргізіліп жатыр. Тұрғындарға су беру қалпына келтірілгеннен кейін қосымша хабарланатын болады.
