Шымкентте «Ең адал» деп танылған полицей 7 жылға бас бостандығынан айырылды.Бұл туралы QAZYR.KZ хабарлайды.
Азамат Айымбетов есімді Шымкенттік полицей 13 маусымда пара алды деген күдікпен ұсталды.Тергеу мәлеметіне сүйенсек,ол әкімшілік жауапқа тартпаймын деген сөзбайласумен жүргізуші мен оның досынан 700 мың теңге ақша алған.
«Шымкент полиция департаментінің меншікті қауіпсіздік басқармасы өңірдің патрульдік полиция ротасының командиріне қатысты делдалдар арқылы бопсалау және пара алу фактісі туралы қала тұрғындарының арыздары бойынша қылмыстық іс қозғалды» делінген қалалық ПД баспасөз қызметінің хабарламасында.
